نیویارک (پاکستان نیوز)صدر ٹرمپ کی ٹیرف پالیسی عام عوام کی زندگیوںپر قہر بن کر گرنے والی ہے، ماہرین نے خبردار کیا ہے کہ یہ آپ کے بٹوے کو آپ کی سوچ سے زیادہ تیزی سے ٹکرائے گا۔صدر ٹرمپ کے بڑے پیمانے پر ٹیرف اس ہفتے سے لاگو ہوئے، اور نیویارک کے حکام کا کہنا ہے کہ اس سے آپ کے بینک اکاؤنٹ کو نقصان پہنچے گا، تمام گروسری پر قیمت بری طرح متاثر ہوں گی، حکومت تمام ہندوستانی گروسری اسٹور کو خاص طور پر دیکھ رہی ہے۔ صارفین درخواست کرتے ہیں کہ اگر وہ کسی بھی جگہ زیادہ قیمت دیکھیں تو سرکاری اسٹورز یا مقامی سیاسی شخص کو مطلع کریں۔حکام کا کہنا ہے کہ درآمدی ٹیکس اس سطح تک پہنچ جائیں گے جو ملک میں تقریباً 100 سالوں میں نہیں دیکھی گئی، 60 سے زائد ممالک اور یورپی یونین کو 15 فیصد یا اس سے زیادہ کی شرح کا سامنا ہے۔ آلات، کاروں، خوراک اور فرنیچر سے لے کر مصنوعات کی وسیع اقسام متاثر ہوتی ہیں۔
