میں سیدہ آسیہ زوجہ فرعون کے پاس جائوں گا، اور پوچھوں گا کہ اپنے پیٹ پر پورا پتھر اٹھانے کی برداشت کہاں سے لی تھی۔ میں سید غنی عثمان کے پاس جائوں گا اور پوچھوں گا کہ ایک ہی رکعت میں پورا قرآن کیسے پڑھ لیا کرتے تھے۔ مکہ کے شہزادے مصعب بن عمیر سے ملوں گا اور پوچھوں گا کہ ایسی شاہانہ زندگی کو ترک کرکے اپنوں سے ملی اذیت کے باوجود صبر اور ہجرت کیسے کرلی۔ جنت میں عشرہ مبشرہ سے ملوں گا ان سے پوچھوں گا کہ جب تمہیں جنت کی بشارت ملی تو پھر تمہاری نیند کا کیا ہوا؟۔ میں سیدہ ہاجر سے ملوں گا اور پوچھوں گا کہ کسی محافظ کے بغیر ایک صحراء میں رکنے کی ہمت کہاں سے لی تھی۔ ملوں گا سید بلال حبشی سے اور عرض کروں گا کہ ایک دفعہ ہی دور نبوت کی اذان سنا دو۔ سیدنا یونس علیہ السلام کے پاس جاکر سوال کروں گا کہ مچھلی کے پیٹ کا عرصہ کس طرح سے گزارا۔۔ سیدنا علی المرتضی رض کے پاس جائوں گا اور پوچھوں گا کہ اپنے لڑکپن میں رسول اللہ کی ہجرت کے وقت ان کے بستر پر بغیر خوف کے سو جانے کی ہمت کہاں سے لی تھی۔ میں سیدنا صدق اکبر رض کے حضور حاضری دوں گا، سوال کروں گا کہ جب رسول اللہ کی وفات ہوچکی تھی تو آپ نے ایسی استقامت کیسے دکھالی، جب کہ آپ تو دل کے بھی نرم تھے، آنسو میں بہنے کو تیار رہتے تھے۔ میں سیدنا موسی علیہ السلام کے پاس جائوں گا اور پوچھوں گا کہ آپ نے فرعوانی جبر کا مقابلہ کیسے کیا۔ میں سیدنا عمر بن خطاب کے پاس جاوں گا اور ان سے کہوں گا کہ سیدعمر! مجھے آپ سے بے پناہ محبت ہے۔ اور پوچھوں گا کہ اس لمحہ دل کی کیفیت کیا تھی جب شدید ترین مخالفت کرنے کے بعد رسول اللہ کے ہاتھ پر بیعت کہ تھی۔ میں یوسف صدیق علیہ السلام کے پاس جاکر کہوں گا، سیدی یوسف! آپ کا قصہ مجھے سب سے زیادہ محبوب ہوا کرتا تھا اور آپ کے نام سے نازل ہونے والی سورت مجھے سے زیادہ حبیب تھی۔ پھر میں اپنے حبیب حضرت محمدۖ کے کی مجلس میں بیٹھوں گا، ان سے ڈھیر ساری باتیں کروں گا، حال دل کہوں گا، ان سے کہوں گا کہ دنیا میں آپ کو دیکھنے کا شوق ہی رہا، اور آج خداوند عالم نے آپ کے دیدار سے میری عزت میں اضافہ کردیا ہے۔ اور پھر پوچھوں گا کہ آقا مجھے اپنی جدوجہد کا قصہ سنایئے، مجھے بتائیے کہ جو آپ کے ساتھ گزاریں، مجھے بتائیں کہ ان حالات میں آپ دین کیسے پھیلاتے رہے۔ پھر اپنے رب کے پاس جاوںگا جب وہ مجھے اپنی روئت سے مشرف کرے گا، اور میں نہیں جانتا کہ تب میں بول بھی پاوں گا کہ نہیں۔ خدایا ہمیں جنت میں ان کے ساتھ رکھنا جن سے ہم محبت کرتے ہیں۔
٭٭٭
