نیویارک (پاکستان نیوز) نیویارک کے ٹائم سکوائر پر فائرنگ کے واقعہ کے دوران چار سالہ بچی اور دو خواتین زخمی ہوگئیں ،تفصیلات کے مطابق ٹائم سکوائر 44سٹریٹ میں والدہ کے ساتھ کھلونوں کی خریدار میں مصروف چار سالہ بچی نامعلوم افرادکی گولیوں کا نشانہ بن گئی ، پولیس کے مطابق بچی اور دو خواتین کو گولیاں ٹانگوں اور پائوں میں لگی ہیں جن کو زخمی حالت میںقریبی ہسپتال منتقل کر دیا گیا ، زخمی خواتین اور بچی کی حالت خطرے سے باہر بتائی جا رہی ہے ، پولیس کے مطابق ملزمان کی شناخت کے لیے ویڈیو فوٹیج اور تصاویر پبلک کر دی گئی ہیں جلد حراست میں لیاجائے گا ، ٹائم سکوائر کو تحقیقات کے لیے گھنٹوں بند رکھا گیا۔
