نیویارک (پاکستان نیوز)خفیہ مشن پر امریکہ آیا پاک فوج کا میجر سید اسماعیل شاہ پراسرار طور پر چل بسا، باوثوق ذرائع کے مطابق پاکستانی میجر کو زہر دے کر موت کے گھاٹ اتارا گیا ہے ، پاکستانی قونصلیٹ نے میجر سید اسماعیل کا پوسٹ مارٹم کرانے سے انکار کر دیا تھا، میجر سید اسماعیل شاہ اچانک طبیعت خراب ہونے پر خالق حقیقی سے جاملے ، شہید کا جسد خاکی نیویارک سے پاکستان کے لیے روانہ کر دیا گیا ہے ، چترال سے تعلق رکھنے والے پاکستان آرمی کے میجر سید اسماعیل شاہ خصوصی پوسٹ پر امریکہ آئے ہوئے تھے ، گزشتہ دنوں ان کی اچانک طبیعت خراب ہوئی اور وہ جانبر نہ ہوسکے، میجر اسماعیل شاہ کے غسل ، کفن کے انتظامات کونی آئی لینڈ ایونیو پر واقعہ الریان مسلم فیونرل سروس میں انجام دیئے گئے ، بعد ازاں مکی مسجد میں شہید کے ماموں کی اقتادہ میں نماز جنازہ ادا کی گئی، نماز جنازہ میں امریکہ میں پاکستان کے مستقل مندوب عاصم افتخار، نیویارک میں تعینات قونصل جنرل عامر اتوزئی سمیت دیگر سفارتی افسران ، عملے سمیت پاکستانی کمیونٹی کی کثیر تعداد نے شرکت کی، اس موقع پر میجر سید اسماعیل شاہ کے درجات کی بلندی کے لیے دعا کی گئی، قبل ازیں مکی مسجد کے پیش امام نے خطاب کرتے ہوئے کہا کہ دنیا فانی ہے کوئی نہیں جانتا کس کی موت کب ہونی ہے اس لیے آکرت پر توجہ دیں ۔
