طبی ماہرین سے مشاقورت ہوئی ہے لیکن اس کا مطلب یہ نہیں کہ رواں برس ہی ختم ہوجائیگا
نیویارک (پاکستان نیوز) صدر ڈونلڈ ٹرمپ نے پیشگوئی کی ہے کہ کورونا وائرس کسی ویکسین کے بغیر خود ہی ختم ہو جائے گا اور پھر کبھی ہمیں اس کا سامنا نہیں کرنا پڑے گا ، صدر ٹرمپ کا بیان ایسے موقع پر سامنے آیا ہے جب وائٹ ہاﺅس کی ٹیم نے ریپ سپیڈ کے نام سے کرونا کے خلاف مہم کا آغاز کیا ہے ، صدر ٹرمپ نے بتایا کہ میرا نہیں خیال کہ کورونا وائرس کیخلاف کوئی ویکسین کارگر ثابت ہو سکے گی ، میرے خیال میں یہ وائرس کچھ روز تک ویسے ہی کرہ ارض سے ختم ہو جائے گا اورپھر مستقبل میں ہمیں کبھی اس وائرس سے نبردآزما نہیں ہونا پڑے گا ۔انھوں نے بتایا کہ میں یہ طبی ماہرین سے مشورے کے بعد بتا رہا ہوں لیکن اس کا یہ مطلب نہیں ہے کہ یہ وائرس رواں برس ہی ختم ہو جائے گا بلکہ اس کے خاتمے میں کچھ دیر بھی لگ سکتی ہے ۔
