نیویارک (پاکستان نیوز)ٹی وی چینل سی بی ایس 2 کی نیویارک میں رپورٹر نینا کپور بروکلین میں ٹریفک حادثے کے دوران ہلاک ہو گئیں ، 26سالہ نینا کپور سکوٹر کے پیچھے بیٹھے فرینکلن سٹریٹ کے قریب شام ساڑھے پانچ بجے سڑک پر جا رہی تھیں کہ انڈیا سٹریٹ کے قریب ڈرائیور کا توازن بگڑنے پر سکوٹر قلا بازیاں کھاتا سڑک پر جا گرا ، نینا کو زخمی حالت میں بلیویو ہسپتال منتقل کیا گیا جہاں وہ زخموں کی تاب نہ لاتے ہوئے چل بسیں ، سکوٹر ڈرائیور کو معمولی چوٹیں آئی ہیں ، ڈاکٹروں کے مطابق خون زیادہ بہہ جانے کی وجہ سے نینا زندگی کی بازی ہار گئیں ۔
