واشنگٹن( پاکستان نیوز) امریکی نائب صدر کملا ہیرس نے ایک نشریاتی ادارے کو دئیے گئے اپنے انٹرویو میں سابق صدر ڈونلڈ ٹرمپ کا براہ راست ایڈولف ہٹلر سے موازنہ کرتے ہوئے کہا کہ ٹرمپ امریکہ میں مقیم غیر قانونی تارکین وطن کو بدنام کرنے اور ان کی زندگیوں سے کھیلنے کے لیئے عوام میں نفرت کے بیج بو رہے اور دلوں میں زہر گھول رہے ہیں۔ ٹرمپ کی زبان بجا طور پر ہٹلر کی زبان سے ملتی جلتی ہے ہمیں اپنی نوجوان نسل کو بتانا ہو گا کہ ایک مخلص لیڈر کبھی بھی نفرت پیدا نہیں کرتا بلکہ وہ دلوں کو جوڑنے کے لیئے سیاست کرتا ہے لیکن افسوس ٹرمپ، ہٹلر کے روپ میں سامنے آیا ہے۔ مجھے افسوس سے کہنا پڑ رہا ہے کہ ہمارے ملک میں پچھلے کئی سالوں سے ایک بدمعاش کی طرح سیاست ہو رہی ہے اور وہ بدمعاش ڈونلڈ ٹرمپ ہے۔ انہوں نے کہا کہ مشرق وسطیٰ میں پائیدار امن کا واحد حل دو ریاستی فارمولا میں ہے امریکہ اسرائیلیوں اور فلسطینیوں کے لیے سلامتی، خوشحالی اور آزادی کے مساوی اقدامات کے لیے کام کر رہا ہے۔
