نیو یارک (پاکستان نیوز)نیویارک کے سابق میئر روڈی جیولیانی کو ہتک عزت کے کیس میں دو کارکنوں کو 148ملین ڈالر کی ادائیگی کا حکم دیا گیا ہے ، جمعہ کے روز ایک وفاقی جیوری نے روڈی جیولانی کو جارجیا کے دو انتخابی کارکنوں کو 2020 کے صدارتی انتخابات میں بیلٹ فراڈ کا جھوٹا دعویٰ کرنے پر 148 ملین ڈالر سے زیادہ ادا کرنے کا حکم دیا۔ اعداد و شمار کے مطابق 75 ملین ڈالر کے تعزیری ہرجانے کے ساتھ دو انتخابی کارکنوں میں سے ہر ایک کو جذباتی تکلیف کے لیے 20 ملین ڈالر اور ہتک عزت کے لیے 16 ملین ڈالر ادا کرنے ہیں۔ این بی سی نیوز کی خبر کے مطابق، عدالت کے ملتوی ہونے کے بعد، مدعی خوشی سے گلے لگ گئے جب کہ اکیلے کھڑے جیولانی نے اوپر دیکھے بغیر ایک بیگ پیک کیا۔عدالت کے باہر، جیولیانی نے نقصانات کے اعداد و شمار کو “مضحکہ خیز” قرار دیا اور اپیل کرنے کا عزم کیا۔
