کراچی(پاکستان نیوز) پاکستان نے چاند کیلئے مخصوص اپنا پہلا خلائی مشن بھیجنے کا اعلان کردیا ہے اور اس منصوبے میں عوام کو بھی شرکت کی دعوت دی گئی ہے۔ پاکستان خلائی میدان میں بھی اہم سنگ میل عبور کرنے کے قریب ہے جس میں پاکستان چاند پر اپنا پہلا مشن بھیجے گا۔ترجمان سپارکو کے مطابق پاکستان کا پہلا لونر روور چین کے Chang’E 8 مشن کے تحت 2028 میں خلا میں بھیجا جائے گا۔ سپارکو نے پاکستان کے پہلے چاند روور کا نام رکھنے کے لیے ملک گیر مقابلے کا بھی اعلان کیا ہے۔سپارکو نے اپنے اعلان میں پاکستانی خلائی مشن میں عوام کو شمولیت کا سنہری موقع فراہم کرتے ہوئے کہا کہ شہریوں کو پاکستان کے چاند روور کا نام تجویز کرنے کی دعوت دی جاتی ہے جس میں بہترین نام تجویز کرنیوالے کو1 لاکھ روپے انعام دیا جائیگا۔
