اسلام آباد(پاکستان نیوز) افغان حکومت کی طرف سے دہشت گردوں کی سرپرستی اور محفوظ پناہ گاہوںنے افغانستان کو عالمی تنہائی میں دھکیل دیا ہے، دنیا کے بیشتر ممالک افغانستان میں بنیادی انسانی حقوق کے غاصب افغان طالبان پر مکمل عدم اعتماد کا اظہارکر رہے ہیں،عالمی برادری افغان طالبان رجیم کو اہم فورمز میں بلانے اور تعلقات قائم کرنے سے مکمل طور پر گریزکر رہی ہے۔افغان جریدے “طلوع نیوز” کے مطابق ماسکو میں شنگھائی تعاون تنظیم(ایس سی او) کے سربراہی اجلاس میں افغانستان کو ایک بار پھر مدعو نہیں کیا گیا ۔شنگھائی تعاون تنظیم کے سربراہی اجلاس میں افغانستان کا کوئی نمائندہ موجود نہیں تھا۔روسی سربراہی میں ہونے والے اس اجلاس میں پاکستان ،چین ،بھارت اور دیگر ممالک نے شرکت کی۔ اجلاس میں اقتصادیات، تجارت، سرمایہ کاری، ثقافتی اور انسانی ہمدردی کے تعاون جیسے موضوعات شامل تھے۔ اقتصادی امور کے ماہر عبدالظہور مدبر نے کہا ہے کہ افغانستان کو ٹرانزٹ کوریڈور کی اہمیت کے باوجود شدت پسندانہ پالیسیوں کے باعث اجلاس میں شریک نہیں کیا گیا۔افغان طالبان کے افغان عوام پر ظلم و جبر اور جبر و استبداد کے بعد ان پر سخت ترین عالمی پابندیاں ناگزیر ہو گئی ہیں۔
