واشنگٹن(پاکستان نیوز) ایوان نمائندگان کی سپیکر نینسی پلوسی کو کورونا پابندیوں کی دھجیاں اڑانے پر شدید تنقید کا نشانہ بنایا گیا۔غیر ملکی خبر رساں ادارے کے مطابق نینسی پلوسی بند سیلون میں ہیر ٹریٹمنٹ کرانے پہنچ گئیں لیکن انہوں نے اس موقع پر چہرے پر ماسک نہیں لگایا ہوا تھا بلکہ وہ ماسک گلے میں لٹکائے گھوم رہی تھیں۔نینسی پلوسی کی بند سیلون پہنچنے کی ویڈیو سوشل میڈیا پر وائرل ہو گئی جس میں انہیں شدید تنقید کا نشانہ بنایا جا رہا ہے۔ ترجمان نینسی پلوسی نے کہا کہ سیلون میں ایک وقت میں ایک بندے کو جانے کی اجازت ہے تاہم پورے ملک میں سپیکر پلوسی کو شدید تنقید کا سامنا کرنا پڑ رہا ہے۔
