بائیڈن جان مکین کا لیپ ڈاگ ہے ، دونوں ایک نہ ختم ہونے والی جنگ کے حامی رہے:ٹرمپ
نیویارک (پاکستان نیوز) صدر ڈونلڈ ٹرمپ نے اپنی ہوم اسٹیٹ میں ری پبلیکن امیدوار کی بجائے صدارتی مخالف امیدوار جوبائیڈن کی حمایت کرنے پر سابق مرحوم سینیٹر جان مکین کی اہلیہ سنڈی مکین کو شدید تنقید کا نشانہ بنایا ہے ، سوشل میڈیا کی ویب سائٹ ٹوئیٹر پر اپنے خیالات کا اظہار کرتے ہوئے ڈونلڈ ٹرمپ نے لکھا کہ میں کبھی بھی جان کا فین نہیں رہا ہوں کیونکہ سنڈی سلیپی جوئی کی فین ہے ۔ٹرمپ نے کہا کہ بائیڈن جان مکین کا لیپ ڈاگ ہے ، دونوں افراد ایک نہ ختم ہونے والی جنگ کے حامی ہیں یہاں تک کے بائیڈن اور اوباما نے عراق میں جنگ کو ہوا دی ہے ، مرحوم جان مکین کی بیوہ سنڈی مکین نے سوشل میڈیا کی ویب سائٹ ٹوئیٹر پر جاری اپنے پیغام میں بائیڈن کی جذباتی طور پر حمایت کی ۔
