نیویارک (پاکستان نیوز)امریکی کانگریس کی خاتون رکن راشدہ طالب نے امریکہ کی جانب سے اسرائیل کی نسل پرستی کی پالیسیوں کی فنڈنگ کرنے کے اقدام کی شدید الفاظ میں مذمت کی ہے، کانگریس میں خطاب پر خاتون رکن نے کہا کہ میں کل، آج اور ہر روز فلسطینیوں اور اسرائیلیوں کی جانوں کے ضیاع پر غمزدہ ہوں، طالب، جو فلسطینی ورثے سے تعلق رکھتی ہیں، نے ایک بیان میں کہا جس میں انہوں نے “اس نسل پرستانہ نظام کو ختم کرنے کا بھی مطالبہ کیا جو گھٹن اور غیر انسانی حالات پیدا کرتا ہے۔انہوں نے مزید کہا کہ جب تک ہمارا ملک نسل پرست حکومت ]اسرائیل[ کی حمایت کے لیے اربوں کی غیر مشروط فنڈنگ فراہم کرتا ہے، تشدد کا یہ دل دہلا دینے والا سلسلہ جاری رہے گا۔
