واشنگٹن (پاکستان نیوز) ایوان نے 213 کے مقابلے میں 220 ووٹوں سے امیگریشن اصلاحات پر مبنی تاریخی بل کو منظور کر لیا ہے ، بل کی منظوری سے لاکھوں غیرقانونی تارکین شہریت کے حصول کے لیے اہل ہو جائیں گے ، سینیٹ سے بل منظور ہونے کے بعد 2011 سے امریکہ میں آباد غیرقانونی تارکین کو دس سے سال سے زائد کام کا ورک پرمٹ مل سکتا ہے جوکہ ان کی شہریت کے راہ کو ہموار کرے گا ، کانگریشنل بجٹ آفس کی جانب سے جاری کردہ اعدادو شمار کے مطابق بل کی منظوری سے ساڑھے چھ لاکھ افراد براہ راست فائدہ حاصل کریں گے ، کانگریس کے بجٹ آفس (سی بی او) کے ایک تجزئیے کے مطابق، تقریباً ساڑھے چھ لاکھ افراد اس اقدام سے براہ راست مستفید ہوں گے ، تقریباً 30 لاکھ لوگ پیرول کی حیثیت سے قانونی مستقل رہائش تک کا سفر مکمل کریں گے ۔ کانگریس کے ہسپانوی کاکس کے چیئر راؤل روئز نے کہا کہ بلڈ بیک بیٹر ایکٹ میں سات ملین محنتی تارکین وطن ضروری کارکنوں کے لیے طویل مدتی ورک پرمٹ اور تحفظات شامل ہیں جو خاندانی علیحدگی کو روکنے، ہماری افرادی قوت کو مستحکم کرنے، ہماری معیشت کو فروغ دینے اور ملازمتیں پیدا کرنے میں مدد فراہم کریں گے۔انھوں نے کہا کہ بل کی منظوری سے سینکڑوں تارکین انتقامی کارروائیوں اور جلاوطنی کے خوف سے بالاتر ہو کر خدمات انجام دیں گے ، امید ہے کہ کسی وقت، انہیں شہریت کے راستے سے مکمل طور پر محفوظ کیا جائے گا۔بل کی منظوری سے بیرون ملک ان لوگوں کے لیے امیگریشن کے راستے برقرار رکھنے میں مدد ملے گی جو اکثر امریکہ میں ہجرت کے لیے برسوں انتظار کرتے ہیں۔ایوان سے منظور کردہ بل میں 1.7 ٹریلین ڈالر کے سوشل سیفٹی نیٹ اور موسمیاتی امداد کے حوالے پیکج کی منظوری دی گئی ہے ، ڈیموکریٹس کے 50 ممبران کی حمایت حاصل کرنے کے لیے بل میں معمولی ردوبدل کیا جا سکتا ہے ۔ تمام ری پبلکینز کی جانب سے بل کی مخالفت کی گئی ۔ ایوان کی سپیکر نینسی پیلوسی کی جانب سے بل کی منظوری کے اعلان کے بعد ایوان کے فلور پر خوشی کی لہر دوڑ گئی۔یہ بل اب سینیٹ میں منظوری کے لیے پیش کیا جائے گا ، امید ہے کہ کرسمس سے قبل بل کی منظوری مل جائے گی ، سینیٹ سے توقع ہے کہ وہ تمام 50 ڈیموکریٹک ووٹنگ ممبران کی حمایت حاصل کرنے اور بجٹ کے قوانین میں کچھ تبدیلیاں کرنے میں کامیاب ہو جائے گی ۔ اس کا مطلب یہ ہوگا کہ بل کے قانون بننے سے پہلے ایوان میں ایک اور ووٹنگ کا امکان ہے۔اس قانون سازی میں زیادہ تر والدین کے لیے ماہانہ فی بچہ $300 تک کی نقد ادائیگی، چائلڈ کیئر فنڈنگ، یونیورسل پری K، قابل برداشت کیئر ایکٹ سبسڈیز کی توسیع اور میڈیکیئر سماعت کے فوائد شامل ہیں۔ بل میں موسمیاتی تبدیلیوں کا مقابلہ کرنے کے لیے 555 بلین ڈالر مختص کیے گئے ہیں ۔پیلوسی نے ووٹنگ کے بعد ہاؤس ڈیموکریٹک رہنماؤں کے ساتھ اعتماد کا اظہار کیا کہ ایوان اور سینیٹ کے اختلافات کو ختم کرنے کے بعد قانون سازی بالآخر بائیڈن کے حق میں جائے گی۔سی بی او نے پیش گوئی کی کہ قانون سازی طویل مدتی خسارے میں 160 بلین ڈالر کا اضافہ کرے گی لیکن اعتدال پسند ڈیموکریٹس کو محکمہ خزانہ کے تخمینے سے خوش کیا گیا، آئی آر ایس کے نفاذ سے تقریبا$ 400 بلین ڈالر کی بڑی بچت ہوگی اور اخراجات کے پیکیج کی مکمل ادائیگی ہوگی۔
