اسلام آباد(پاکستان نیوز) صدر جوبائیڈن سے امریکہ میں پاکستان کے سفیر مسعود خان نے ملاقات کی ہے،ملاقات میں دو طرفہ امور اور خطے کی صورت حال پر تبادلہ خیال کیا گیا، پاک امریکہ تعلقات میں بہتری آنے لگی۔واشنگٹن میں پاکستانی سفیر کی صدر جوبائیڈن سے ملاقات ہوئی،سردار مسعود خان نے صدر جوبائیڈن سے ملاقات کی تصویر ٹویٹ کی، مسعود خان نے کہا کہ وائٹ ہاوس اوول آفس میں صدر جو بائیڈن سے ملاقات ہوئی۔پاکستان اور امریکہ نے دو طرفہ تعلقات کی 75ویں سالگرہ پر باہمی تعلقات کے فروغ کے عزم کا اعادہ کیا،دریں اثنا مسعود خان نے عیدالاضحٰی کی مبارک باد دیتے ہوئے کہا کہ آج کے دن ہمیں ان لوگوں کا بھی خیال ہے جو مفلس ،بے روز گار اوربے یارومدد گار ہیں ۔ہمیں ان کے لئے کام کرنا ہوگا، انسانیت کایہ جذبہ عیدالاضحٰی کی اصل روح ہے۔
