نیویارک (ویب ڈیسک) بروکلین اتنا وسیع ہے کہ یہاں پر مختلف رنگ ونسل کے لوگ آباد ہیں۔بروکلین نے کئی امریکی ریاستوں اور یورپی شہروں کو پیچھے چھوڑ دیا ہے۔آبادی کے لحاظ سے بروکلین کا شمار بڑے شہروں اور ریاستوں میں ہوتا ہے۔ امریکی مردم شماری بیورو کے اعداد و شمار کے مطابق بروکلین 2.6 ملین سے زائد لوگوں کا گھر ہے۔ بورو کی آبادی اسے پورے امریکہ میں 15 ریاستوں سے بڑا بناتی ہے۔سب سے کم آبادی والی ریاستوں میں وومنگ 586,485، ورمونٹ 647,818، الاسکا 733,536، نارتھ ڈکوٹا 788,940 ، جنوبی ڈکوٹا 928,767 ، ڈیلاویئر 1,044,321، رہوڈ آئی لینڈ 1,098,082، مونٹانا 1,142,746، مین 1,402,106، نیو ہیمپشائر 1,405,105 شامل ہیں۔بروکلین کی آبادی نیو میکسیکو کے لیے بھی خطرہ بن گئی ہے۔وہ کچھ اس طرح کہ بروکلین کی آبادی نیو میکسیکو کو 36 ویں سب سے بڑی ریاست کے طور پر ختم کرنے کے قریب ہے۔ مردم شماری کے اعداد و شمار کے مطابق بروکلین کو جادو کی سرزمین بھی کہا جاتا ہے۔اس سرزمین پر 2.1 ملین باشندے ہیں۔نیویارک میں سب سے تیزی سے ترقی کرنے والا بورو ہے۔مردم شماری کے اعداد و شمار کے مطابق بورو کی آبادی شکاگو کو امریکہ کے تیسرے سب سے بڑے شہر کے طور پر ختم کر دے گی۔بروکلین کی آبادی امریکہ کے کئی شہروں سے زیادہ ہے جس میں ہیوسٹن، فینکس ، فلڈیلفیا، سان انٹونیو، سان ڈیاگو ، ڈیلاس ، آسٹن ، سان جوس شامل ہیں، بروکلین کچھ یورپی ممالک سے بھی بڑا ہے۔ بورو کا شمار یوکرین کے شہر کیف کے بعد آتا ہے اور یہ اٹلی کے شہر روم سے تھوڑا بڑا ہے،جہاں پر تقریباً 2.3 ملین افراد آباد ہیں۔ بروکلین چند یورپی شہروں سے بھی بڑا ہے جن میں پیرس ، بڈاپسٹ ، ہیمبرگ ، وارسا، ویانا ، بارسلونا اور اسٹاک ہوم شامل ہیں۔
