واشنگٹن (پاکستان نیوز) پاکستان مسلم لیگ ن کے صدر میاں نواز شریف نجی دورے پر لندن سے واشنگٹن ڈی سی پہنچ گئے۔ذرائع کے مطابق نواز شریف واشنگٹن ڈی سی میں دو دن قیام کے بعد نیو یارک جائیں گے۔ امریکہ میں قیام کے دوران سابق وزیراعظم نواز شریف مقامی مسلم لیگ کارکنان سے ملیں گے۔نواز شریف امریکا میں ایک ہفتہ گزار کر واپس لندن آئیں گے، پھر انہیں مریم نواز لندن میں جوائن کریں گی، جس کے بعد مریم اور نواز شریف یورپ کے دورے پر روانہ ہوں گے۔واضح رہے کہ نواز شریف 25 اکتوبر کو غیر ملکی ایئرلائن کی پرواز سے بذریعہ دبئی لندن گئے تھے۔
