اسلام آباد (پاکستان نیوز) پاکستان اور امریکہ کے درمیان 2 طرفہ تجارتی حجم میں 16 فیصد اضافہ ریکارڈ کیا گیا ہے۔ ادارہ شماریات کی جانب سے جاری دستاویز کے مطابق گزشتہ مالی سال پاک امریکہ دو طرفہ تجارتی حجم 7 ارب 59 کروڑ 80 لاکھ ڈالرز جبکہ امریکہ کی پاکستان کو درآمدات کا حجم ایک ارب 76 کروڑ 30 لاکھ ڈالرز رہا۔ادارہ شماریا ت کا بتانا ہے کہ پاکستان نے ایک سال میں امریکہ کو 5 ارب 83 کروڑ ڈالرز کی اشیا برآمد کیں، اسی طرح گزشتہ مالی سال پاکستان کی امریکہکو برآمدات میں 10فیصد اضافہ ہوا۔جاری دستاویزات کے مطابق پاکستان کی امریکہ سے درآمدات میں گزشتہ سال 40 فیصد اضافہ ہوا جبکہ ایک سال میں امریکہکے ساتھ پاکستان کا تجارتی سرپلس 4 ارب ڈالر سے زائد رہا۔ ادارہ شماریات کا بتانا ہے کہ امریکہ کے لیے بستر، میز، ٹوائلٹ اور کچن چادروں کی برا?مدآت کا حجم 1.038 ارب ڈالرز جبکہ امریکہ کو مردانہ سوٹ، جیکٹ اور ٹراوزر کی برآمدات 936 ملین ڈالرز رہیں، اسی طرح پاکستان نے امریکہ کو 36 کروڑ 10 ڈالر کی ٹی شرٹس اور 31 کروڑ 20 لاکھ ڈالر ز کی جرسیاں اور پل اوورز کی برآمدات کیں۔جاری دستاویزات کے مطابق امریکہ کو چمڑے کی مصنوعات کی برآمدات 16 کروڑ 50 لاکھ ڈالرز رہیں جبکہ پاکستان نے امریکہکو 15کروڑ 70 ڈالر مالیت کے خواتین کے ملبوسات بھی برآمد کیے۔ادارہ شماریات کی جانب سے جاری دستاویزات میں بتایا گیا ہے کہ پاکستان نے امریکہ سے سب سے زیادہ 39 کروڑ 30 لاکھ ڈالرزکی روئی درآمد کی، امریکہسے تقریبا 16 کروڑ ڈالرز کا لوہے اور اسٹیل کا اسکریپ منگوایا گیا جبکہ 13کروڑ 70لاکھ ڈالرز کی سویابین اور 5کروڑ 60لاکھ ڈالرزکا کوئلہ بھی درآمد کیا گیا۔پاکستان نے امریکہ سے 4 کروڑ ڈالرز کی کمپیوٹر مشینیں، 3 کروڑ 80 لاکھ ڈالر کی پیٹرولیم ا?ئل مصنوعات، 3 کروڑ 60 لاکھ ڈالر ز کے الیکٹرو میڈیکل آلات درآمد کیے، اسی طرح امریکہ سے خشک میوہ جات کی درآمدات کا حجم 3 کروڑ 30 لاکھ ڈالر رہا۔
