تمام کاﺅنٹیز سے مقامی سطح پر پولیس کے جارحانہ رویے کیخلاف قانون سازی کا مطالبہ کردیا
نیویارک (پاکستان نیوز) گورنر اینڈریو کومیو نے پولیس کی غنڈہ گردی اور ناانصافی کو روکنے کے لیے جلد بل پیش کرنے کا اعلان کر دیا ہے اور ا س سلسلے میں تمام کاﺅنٹیزسے اپیل کی ہے کہ وہ مقامی سطح پر پولیس کے ظالمانہ رویے کو ختم کرنے کے لیے بل پیش کریں ، کسی ایک شہر ، کمیونٹی یا کاﺅنٹی میں پولیس کے خلاف کارروائی سے معاملہ نہیں سلجھے گا بلکہ اس کے لیے ملک بھر سے تمام سیکیورٹی اداروں کے رویوں کو درست کرنے کی ضرورت ہے ، جارج فلائیڈ کی ہلاکت صرف اور صرف پولیس اہلکاروں کی غفلت اور لاپرواہی اور ظالمانہ رویے کی عکاسی ہے ، ایک شخص کے متعدد مرتبہ یہ کہنے کے باوجود کہ اس کو سانس نہیں آ رہا اس کی گردن سے گھٹنا نہ ہٹانا انتہائی نامناسب اقدام ہے۔
