کراچی:
مقامی اسپتال میں زیر علاج معروف اداکارہ روبینہ اشرف کووڈ 19 سے جنگ میں اب تیزی سے روبہ صحت ہو رہی ہیں۔
حال ہی میں کورونا وائرس میں مبتلا ہونے والی نامور اداکارہ روبینہ اشرف نے سماجی رابطے کی ویب سائٹ پر اپنی صحت سے متعلق آگاہ کرتے ہوئے خوش خبری سنائی کہ اب وہ بہت بہتر محسوس کر رہی ہوں اور تیزی سے روبہ صحت ہیں۔
معروف اداکاہ روبینہ اشرف نے اپنی صحت یابی کو اہل خانہ، دوستوں اور مداحوں کی دعاؤں کا نتیجہ قرار دیا اور سب کا شکریہ ادا کرتے ہوئے کہا کہ یہ سب آپ کی محبتوں کی وجہ سے ممکن ہوا ہے۔
