تہران (پاکستان نیوز)ایران نے امریکہ کی جانب سے کمانڈر سلیمان کی ہلاکت کا بدلہ لینے کے لیے امریکہ کی جنوبی افریقہ کے لیے خاتون سفیر لانا مارکس کو قتل کرنے کی منصوبہ بندی شروع کر دی ہے ، اس بات کا انکشاف معروف چینل پولیٹکو کی جانب سے کیا گیا ہے ، تفصیلات کے مطابق ایران کے منصوبے کے متعلق اعلیٰ امریکی حکام باخوبی آگاہ ہیں اور انھوں نے لانا مارکس کی سیکیورٹی کے لیے خصوصی انتظامات کو حتمی شکل دی ہے جس کے دوران سیکیورٹی میں بھی اضافہ کیا گیا ہے ، لانا مارکس جنوبی افریقہ کے لیے امریکی سفیر کے عہدے پر ایک سال سے تعینات ہیں ، اطلاعات کے مطابق ایران کا پریٹوریہ میں سفارتخانہ لانا مارکس کے قتل کی منصوبہ بندی میں براہ راست شامل ہے ۔لانا مارکس صدر ٹرمپ کے جانی پہچانی خاتون شخصیت ہیں ، دونوں میں 20 سالہ پرانا تعلق ہے ، لانا مارکس معروف ہینڈ بیگ ڈیزائنر بھی ہیں اور اس کاروبار میں کافی نام بنا چکی ہیں ۔
