نیویارک (پاکستا ن نیوز) ”پاکستان نیوز”نے امریکہ میں سب سے زیادہ پڑھے جانے والے اردو اخبار کاا عزاز حاصل کر لیا ہے، قارئین کی بڑی تعداد اخبار کے فرنٹ پیج پر لگی خبروں کو شوق سے پڑھتی ہے جبکہ اس کے بعدشہر اور پھر کمیونٹی کی خبروں کو زیادہ پسند کیا جاتا ہے ، پاکستان نیوز واحد اردو اخبار ہے جس کی اشاعت کرونا کے کڑے دنوں میں بھی جاری رہی، جبکہ اس کے مقابلے میں بھارتی، بنگلہ دیشی ، سری لنکن اور دیگر زبانوں کے اخبارات نے اپنی اشاعات کو روک دیا تھا لیکن پاکستان نیوز واحد اخبار تھا جوکہ کرونا کے دوران بھی مارکیٹ میں موجود تھا اور آج بھی برفانی طوفان ، سخت ترین موسم کے دوران اردو اخبارات ڈھونڈنے سے بھی نہیں ملتے ہیں لیکن پاکستان نیوز واحد اخبار ہے جو آج بھی قارین کو ریسٹورنٹس، مساجد،کمیونٹی سینٹرز، سپر سٹورز پر دستیاب ہے، 28 سال سے مسلسل اشاعت نے پاکستان نیوز نے قارئین کے ساتھ اشتہاری اور کاروباری افراد کا بھی اعتماد حاصل کیا ہے ، جن کی اشتہارات کیلئے ہمیشہ پاکستان نیوز ترجیح رہا ہے، قارئین کا یہ پاکستان نیوز سے لگائو ہی ہے کہ اگر اخبار لیٹ ہو جائے تو آفس میں کالز کا تانتا بندھ جاتا ہے۔پبلشر پاکستان نیوز مجیب لودھی نے اپنے تمام قارئین، کاروباری شخصیات اور اشتہاری کمپنیوں کا تہہ دل سے شکریہ ادا کیا ہے کہ انھوں نے اخبار کو یہ اعزاز بخشا، پبلشر پاکستان نیوز مجیب لودھی نے اس موقع پر اپنی ٹیم کی انتھک محنت کی حوصلہ افزائی کرتے ہوئے اسی لگن کے ساتھ کام جاری رکھنے کی تاکید کی۔
