شکاگو (پاکستان نیوز) ریاست الی نائے میں رئیل سٹیٹ کے معروف ادارے AIMS مورٹگیج بینکرز کے روح رواں اور ممتاز کاروباری شخصیت عترت حسین سید اور شبانہ سید کے صاحبزادے ںڈاکٹر علی احسن سید جمعرات 4 جولائی کو کرنل (ر) سید ہادی رضا و ڈاکٹر نرجس کی صاحبزادی ڈاکٹر سیدہ حجاب ہادی کے ہمراہ شادی کے خوبصورت بندھن میں بندھ گئے۔ شادی کی اس خوش کن و پرمسرت تقریب منعقدہ بیت العلم‘ سٹریم ووڈ میں دولہا‘ دلہن کے افراد خاندان‘ اعزہ و اقارب‘ احباب اور کمیونٹی کے کاروباری‘ سماجی‘ علمی و سرکاری افراد و خواتین اور ان کی فیملیز نے بڑی تعداد میں شرکت کی۔ تقریب کے شرکاءنے نکاح کے بعد عترت حسین سید و شبانہ سید اور کرنل ہادی رضا و ڈاکٹر نرجس زیدی کو اس اہم و مقدس فریضہ کی ادائیگی پر مبارکباد پیش کی اور دولہا و دلہن کیلئے کامیاب‘ خوشگوار و طویل ازدواجی مسرتوں کے حصول کی دعائیں دی۔ تقریب کے شرکاءکی انتہائی لذیذ کھانوں اور مشروبات سے تواضع کی گئی۔ ادارہ پاکستان نیوز شکاگو اس پرمسرت و مقدس فرضے کی ادائیگی پر دونوں خاندانوں کو دلی مبارکباد پیش کرتا ہے اور علی احسن و سیدہ حجاب کی خوشیوں بھری کامیاب و طویل ازدواجی رفاقت کیلئے دعا گو ہے۔
