نیویارک (پاکستان ینوز)نیویارک کے علاقے کونی آئی لینڈ میں واقع مکی مسجد میں پہلی مرتبہ لائوڈ سپیکر پر ازان کی اجازت دے دی گئی، مکی مسجد کے لائوڈ سپیکر سے ازان کی صدائیں بلند ہونے پر کمیونٹی نے خوشی کااظہار کیا ، اہل علاقہ نے کہا کہ یہ وقت بہت سے افراد کے لیے تاریخ ہے کیونکہ لائوڈ سپیکر پر جب ازان کی آواز آتی ہے تو سب مسلم کمیونٹی اپنے کاموں کو چھوڑ کر مسجد کی طرف راغب ہوتی ہے ۔ ایک شہری نے بتایا کہ مسلم کمیونٹی کے لیے یہ موقع نادر ہے کہ ہمیں لائوڈ سپیکر پر ازان کی آواز سنائی دے رہی ہے ، جیسے ہی ازان کی آواز سماعتوں تک پہنچتی ہے تو ہم کام کاج چھوڑ کر مکی مسجد کا رخ کر لیتے ہیں۔
