فیصل آباد (پاکستان نیوز) انڈر 21پاکستانی سنوکر کھلاڑی ماجد علی نے مبینہ طو رپر اپنی زندگی کا خاتمہ کر لیا ، تفصیلات کے مطابق نوجوان انٹرنیشنل سنوکر پلیئر ماجد علی کے بھائی عمر نے واقعے کی تصدیق کردی، ماجد علی گزشتہ چند برسوں سے ڈپریشن کا شکار تھے۔اطلاعات کے مطابق ماجد علی نے فیصل آباد میں واقع اپنے گھر میں لکڑی کاٹنے والی آری سے اپنا گلا کاٹ کر خود کشی کی۔28 سالہ ماجد علی 2013 میں ایشین جونیئر چیمپئن شپ کے رنر اپ رہے تھے۔ماجد علی ورلڈ 6 ریڈ چیمپئن کے برانز میڈلسٹ بھی رہ چکے ہیں، پاکستان بلیئرڈ اینڈ اسنوکر ایسوسی ایشن نے ان کے انتقال کی تصدیق کردی ہے۔
