واشنگٹن(پاکستان نیوز) جنوبی کیرولینا میں صدر جوبائیڈن کی انتخابی مہم کے دوران تقریر کے موقع پر شرکاء نے فلسطینیوں کی حمایت میں نعرے لگا دیئے، جوبائیڈن سایہ فام ووٹرز سے چرچ میں خطاب کر رہے تھے کہ اس موقع پر بعض شرکاء کھڑے ہو گئے اور فوری طور پر غزہ اسرائیل جنگ بندی کے نعرے لگائے جس پر جوبائیڈن نے کہا کہ میں آپ کے جذبات سمجھتا ہوں، اسرائیل سے بات کر رہے ہیں کہ غزہ میں فوجیوں کی تعداد میں کمی اور بالآخر فوج واپس بلائی جائے۔ اس موقع پر مظاہرین نے کہا صدر کو اگر بے گناہ فلسطینیوں کا واقعی دکھ ہے تو غزہ میں فوری جنگ بندی کرائی جائے۔
