لاہور:
بنگلہ دیش کرکٹ ٹیم پاکستان کا دورہ کرکے اپنے وطن روانہ ہوگئی۔
اپنے وطن روانگی کے لیے مہمان ٹیم کے کھلاڑی اور بنگلہ دیش کرکٹ بورڈ کے سربراہ نظم الحسن پرانے ائیر پورٹ کے حج لاؤنج سے ڈھاکہ کے لیے خصوصی طیارے پر روانہ ہوئے۔ پی سی بی کے ڈائریکٹر انٹرنیشنل کرکٹ ذاکر خان اور دوسرے بورڈ حکام نے مہمان ٹیم اور آفیشلز کو الوداع کیا۔
پاکستان اور بنگلہ دیش کے درمیان ڈھاکہ سے لاہور کے لیے کوئی ڈائریکٹ فلائٹ نہیں۔ براستہ دوحا قطر یا یواے ای اگر فلائٹ حاصل کی جائے تو بہت زیادہ وقت لگتا ہے۔ اسی لیے وقت کے ضیاع کو بچانے کے لیے بنگلہ دیش کی ٹیم جس چارٹرڈ فلائٹ سے لاہور پہنچی تھی۔ اسی پر اس کی واپسی ہوئی ہے۔
دوسرے مرحلے میں بنگلہ دیش کی ٹی ٹونٹی ٹیم کے بعد اب ٹیسٹ ٹیم 5 فروری کو لاہور آئے گی۔
