لندن (پاکستان نیوز) پاکستان کی نوبیل انعام یافتہ ملالہ یوسفزئی نے گریجوایشن مکمل کرنے پر اہلخانہ کیساتھ جشن منایا، کیک بھی کاٹا۔ ملالہ نے کپڑوں پر لگے رنگوں اور کیک والی تصاویر بھی ٹوئٹر پر شیئر کیں جن میں دیکھا جا سکتا ہے کہ وہ اہلخانہ کیساتھ گریجوایٹ ہونے کا جشن بھرپور انداز سے منا رہی ہیں، انہوں نے پوسٹ میں لکھامیں نے فلسفہ،سیاست اور معاشیات میں آکسفورڈ یونیورسٹی سے ڈگری مکمل کرلی اور اس وقت یہ شکر اور خوشی بیان کرنا مشکل ہے ، مجھے نہیں پتہ کہ آگے کیا ہے لیکن امید ہے اچھا ہی ہوگا، لیکن اب نیٹ فلکس ہوگا، کتابیں پڑھنا اور سونا ہوگا۔
