نیویارک (پاکستان نیوز) ہالی ووڈ کے معروف مارول سٹوڈیو نے پہلی مسلم خاتون سپر ہیروز سیریز کیلئے پاکستانی نڑاد امریکی لڑکی کا انتخاب کرلیا۔ مارول نے ریاست نیو جرسی کی ایمان ولانی کو منتخب کیا ہے۔ 18 سالہ ایمان گریجوایشن کی طالبہ ہیں، انکے والدین کا تعلق پاکستان سے ہے تاہم وہ خود امریکہ میں پیدا ہوئیں۔ایمان نے گزشتہ سال ہدایتکار منہاج بیگ کی فلم ہالا سے کیریئر کا آغاز یا تھا جس میں ان کی اداکاری کو بہت سراہا گیا۔اب ایمان سپر ہیروز سیریز میں پاکستانی نڑاد کمالہ خان کا روپ دھاریں گی۔مارول سٹوڈیو نے مذکورہ سیریز کیلئے آسکر ایوارڈ یافتہ پاکستانی فلم ساز شرمین عبید چنائے سمیت 4 مسلم ہدایتکاروں کی خدمات حاصل کر لی ہیں۔خیال کیا جا رہا ہے آئندہ سال کے وسط تک سیریز کی شوٹنگ شروع کر دی جائیگی۔
