لاس اینجلس(پاکستان نیوز) ٹرمپ کورونا وائرس میں مبتلا ہونے کا بہانہ بنا رہے ہیں، مائیکل مور، معروف ہالی ووڈ فلمسار مائیکل مور نے صدر ڈونلڈ ٹرمپ کی کورونا وائرس کی تشخیص پر شکوک و شبہات کا اظہار کرتے ہوئے کہا ہے کہ ہوسکتا ہے کہ ٹرمپ صدارتی انتخابات ملتوی کرنے کے لیے کورونا وائرس میں مبتلا ہونے کی جھوٹی خبریں پھیلا رہے ہیں۔ ہالی ووڈ فلمساز مائیکل مور نے صدر ڈونلڈ ٹرمپ کو جھوٹا قرار دیتے ہوئے سماجی رابطے کی ویب سائٹ فیس ب±ک پر اپنا ایک طویل پیغام جاری کیا جس میں ا±نہوں نے کہا کہ ’اہلیہ سمیت ڈونلڈ ٹرمپ کا کورونا وائرس میں مبتلا ہونا ایک چال ہوسکتی ہے کیونکہ وہ آئندہ انتخابات میں ہمدردی حاصل کرنا چاہتے ہیں۔‘ فیس ب±ک پر جاری کردہ اپنے پیغام میں مائیکل مور نے شدید غصے کا اظہار کرتے ہوئے کہا کہ ’ٹرمپ کے بارے میں ایک مطلق سچائی ہے کہ وہ بے رحم اور پیشہ ور جھوٹے ہیں۔‘ مائیکل مور نے شدید برہمی کا اظہار کرتے ہوئے کہا کہ ’یہ بات ہر ایک شخص جانتا ہے کہ ڈونلڈ ٹرمپ ہر ایک گھنٹے میں دو سے تین بار جھوٹ بولتے ہیں۔‘ ا±نہوں نے کہا کہ ’جب ہم سب لوگ ٹرمپ کی حقیقت جانتے ہیں تو ہم کیوں ا±ن کی باتوں پر یقین کریں، کیا معلوم وہ اس بار بھی جھوٹ ہی بول رہے ہوں۔‘ ہالی ووڈ فلمساز نے کہا کہ ’چونکہ ڈونلڈ ٹرمپ کو معلوم ہے کہ وہ نومبر میں ہونے والے صدارتی انتخابات میں شکست سے دوچار ہوں گے تو وہ اِسی وجہ سے اپنی صحت سے متعلق افواہیں پھیلا رہے ہیں۔‘ ا±ن کا مزید کہنا تھا کہ ’ڈونلڈ ٹرمپ کو اچھی طرح سے معلوم ہے کہ اب انتخابات میں 2016 جیسی کوئی بات نہیں رہی کیونکہ اب لاکھوں امریکیوں کے دلوں میں ٹرمپ کے خلاف نفرت کی آگ بھڑک رہی ہے اور وہ چاہتے ہیں کہ ٹرمپ جلد از جلد اس عہدے سے ہٹ جائیں۔
