ہانیہ عامراوریاسرحسین کے درمیان سوشل میڈیا جنگ اب اختتام ہوتی ہوئی نظرآرہی ہے جہاں ہانیہ نے اپنے مداحوں سے یاسر حسین کو مزید تنگ نہ کرنے کی درخواست کی ہے۔
گزشتہ چند روزسے سوشل میڈیا پر اداکارہ ہانیہ عامر، یاسر حسین اور ان کی تکرارٹرینڈ کررہی ہے۔ اس جھگڑے کی شروعات ہانیہ عامر کی دو تصاویرسے ہوئی تھی جس میں انہوں نے اپنے چہرے پر موجود کیل مہاسوں اور دانوں کا ذکر کرکے معاشرے میں قائم خوبصورتی کے معیارپرسوالات اٹھائے تھے۔
اس خبرکوبھی پڑھیں: ہانیہ عامرنے یاسرحسین کو کھری کھری سنادی
جہاں ہانیہ کواس پوسٹ کی وجہ سے سراہا گیا وہیں یاسرحسین نے نہایت غیرسنجیدہ مذاق کرتے ہوئے انہیں ’’دانے دار‘‘ قراردیا جس پر ہانیہ عامر، سوشل میڈیا صارفین اورشوبزکے دیگرفنکاروں نے یاسرحسین کو خوب آڑے ہاتھوں لیا اور بے ہودہ مذاق کرنے پرکھری کھری سنائیں۔ سوشل میڈیا کی جانب سے یاسر حسین کو ٹرول کرنے اوران پر تنقید کرنے کا سلسلہ اب بھی جاری ہے۔
اس خبرکوبھی پڑھیں: ماہرہ خان سمیت دیگرفنکارہانیہ عامر کی حمایت میں بول پڑے
تاہم اب اداکارہ ہانیہ عامرنے اپنے پرستاروں سے یاسرحسین کو مزید تنگ نہ کرنے کا مطابہ کردیا ہے۔ ہانیہ عامر نے انسٹاگرام اسٹوری پر اپنے چاہنے والوں سے مخاطب ہوتے ہوئے کہا، ’’سوشل میڈیا پر کسی کوتنگ کرنا صحیح بات نہیں ہے اور مجھے معلوم ہے وہ تمام لوگ جو مجھے فالو کرتے ہیں اس طرح کے طرزعمل کو بڑھاوا نہیں دیں گے۔‘‘
اس خبرکوبھی پڑھیں: ہانیہ عامر توجہ کی طلب گار
ہانیہ نے کہا اگر میں اپنے پرستاروں کو کسی کے ساتھ برا کرنے سے نہیں روکوں گی تو منافق کہلاؤں گی، انہوں نے اس بات پرزور دیا کہ وہ کبھی بھی کسی کوتکلیف پہنچانا نہیں چاہتی تھیں۔ ہانیہ نے اپنی اسٹوری اورسوشل میڈیا پر چل رہے اس جھگڑے کا اختتام ایک مثبت پیغام کے ساتھ کرتے ہوئے کہا ’’چلو مثبت باتیں کرتے ہیں اوران لوگوں کے لیے دعا کرتے ہیں جو منفی سوچ کے حامل ہیں ہم ایسے لوگوں کو صرف کہہ سکتے ہیں کہ کیا صحیح ہے اور کیا غلط، لیکن پھر بھی اگر وہ آپ کی بات نہیں سنتے تو دعا کرتے ہیں کہ اللہ انہیں صحیح راستہ دکھائے۔‘‘
واضح رہے کہ یاسرحسین کی قریبی دوست اقرا عزیز نے ہانیہ اوریاسر کے معاملے پر ابھی تک خاموشی اختیارکی ہوئی ہے لیکن انہوں نے ہانیہ کی حمایت کرنے والے تمام فنکاروں کو ان فالوکردیا ہے جس پر متعدد فنکاروں نے بھی انہیں ان فالو کردیاہے۔
