واشنگٹن (پاکستان نیوز)سابق ہائوس سپیکر گنرچ نے ری پبلیکن کی جانب سے مڈ ٹرم انتخابات میں زیادہ سے زیادہ 70 نشستیں حاصل کیے جانے کی پیشگوئی کر دی ہے، گن رچ نے فوکس نیوز کے مارننگ پروگرام کے دوران گفتگو کرتے ہوئے کہا کہ ہم سینیٹ میں 25 سے 70 کے درمیان نشستیں حاصل کر سکتے ہیں،سابق ہاؤس اسپیکر کو توقع ہے کہ ریپبلکن وسط مدتی انتخابات میں ایوان میں 70 نشستوں کے ساتھ سینیٹ میں چار نشستیں حاصل کر سکتے ہیں، کانگریس کے دونوں ایوانوں کا کنٹرول GOP کو واپس کر دیں گے۔انھوں نے بتایا کہ ایوان میں ریپبلکنز 63 نشستوں کے حصول میں سرفہرست ہوں گے،ڈیموکریٹس کے پاس اس وقت ایوان میں ریپبلکنز کے مقابلے ایک درجن زیادہ نشستیں ہیں۔ سینیٹ میں، ڈیموکریٹس اور دو آزاد امیدواروں کا کنٹرول ہے۔انھوں نے کہا کہ مجھے لگتا ہے کہ ہرشل واکر جیسے لوگ بہت اچھا کام کرنے جا رہے ہیں۔
