نیوجرسی (پاکستان نیوز)نیوجرسی کی 59 سالہ خاتون نینسی جونز کو دو مسلم لڑکیوں کو ہراساں کرنے کے الزام میں حراست میں لے لیا گیا، عدالتی کارروائی کے دوران پراسیکیوٹر نے الزام عائد کیا کہ نینسی جونز نے جان بوجھ کر مسلم خواتین کو ہراسانی کا نشانہ بنایا اور انہیں امریکہ سے نکل جانے کیلئے کہا ، پیسک کائونٹی پراسیکیوٹر آفس کے مطابق ہراسانی کے دوران دونوں مسلم خواتین حجاب میں تھیں، پولیس کے مطابق شکایت موصول ہونے اور خاتون کی شناخت کے بعد اس کی گرفتاری کے لیے وارنٹ جاری کیے گئے تھے ، کونسل آن امریکن اسلامک ریلیشن نیوجرسی کی جانب سے بھی واقعہ کی شدید الفاظ میں مذمت کی گئی، کیئر کے ایگزیکٹو ڈائریکٹر صلادین مکسٹ نے بتایا کہ ہراسانی اور نفرت آمیز واقعہ کے خلاف پولیس تحقیقات کا خیر مقدم کرتے ہیں۔
