واشنگٹن (پاکستان نیوز) یورپی یونین کی خارجہ پالیسی کے سربراہ جوزف بوریل کا کہنا ہے کہ اسرائیلی فوج نے غزہ کو دنیا کا سب سے بڑا قبرستان بنا دیا ہے۔ جوزف بوریل نے برسلز میں یورپی یونین کے وزرائ کے اجلاس کے موقع پر میڈیا سے گفتگو کرتے ہوئے کہا کہ جنگ سے پہلے غزہ دنیا کی سب سے بڑی جیل تھی اور جنگ کے بعد اب اسے دنیا کا سب سے بڑا قبرستان بنا دیا گیا ہے۔اْنہوں نے کہا کہ غزہ صرف ہزار فلسطینیوں کا قبرستان نہیں بلکہ انسانیت کے قوانین کے بہت سے اہم اصولوں کا بھی قبرستان ہے۔ یہ سنگین صورتحال ایسی نہیں ہے کہ ہم بیٹھ کر صرف تشویش کا اظہار کرتے رہیں بلکہ ہمیں فیصلے لینے چاہیئں اور ان پر عملدرآمد یقینی بنانا چاہئے۔جوزف بوریل کا یہ بیان سامنے آنے کے بعد اسرائیل کے وزیر خارجہ اسرائیل کاٹز نے سوشل میڈیا ویب سائٹ ایکس پر شدید ردِعمل کا اظہار کرتے ہوئے کہا ہے کہ غزہ میں اسرائیلی فوج کی کارروائیوں کی مذمت کرنا بند کریں اور حماس کے خلاف ان کے حقِ دفاع کو تسلیم کریں۔
