سیالکوٹ(پاکستان نیوز) معروف ایتھلیٹ عبدالمجیدسلہری نے امریکہ کے شہرلاس ویگاس میں ہونیوالے مقابلہ تن سازی میں ڈبلیوایف ایس مسٹریونیورس کا ٹائٹل اپنے نام کرلیا ، اس نے گولڈمیڈل اور پروکارڈ بھی حاصل کرلیا ہے ،عبدالمجید سلہری تحصیل پسرور کے سرحدی گاوں تگڑے سے تعلق رکھتے ہیں، مسلم لیگ (ن)پی پی 48کے ٹکٹ ہولڈررانا لیاقت علی، سینئررہنماء راناشوکت علی اورکوارڈینیٹروسیم سلہری سمیت اہل علاقہ نے ضلع اورتحصیل کانام روشن کرنے پر عبدالمجیدسلہری کو زبردست خراج تحسین پیش کرتے ہوئے مبارکباد دی ہے ،یاد رہے عبدالمجید سلہری نے گزشتہ سال بھی قومی سطح پرہونیوالے مقابلہ کا ٹائٹل اپنے نام کیاتھا۔
