عجب فیض ہے آقا تیری محبت کا درود آپ پر پڑھوں اور خود سنور جائوں درود شریف کے اندر ایک خوبصورت نظام پوشیدہ ہے۔ ہم اپنی لغت میں اسے ”نظام محبت” اور ”نظام رحمت” کہہ سکتے ہیں،درود شریف پڑھتے ہی یہ پورا نظام حرکت میں آجاتا ہے،مختصر طور پر اس نظام کو سمجھ لیں، درود شریف پڑھنے والے نے اللہ تعالیٰ سے محبت کا ثبوت دیاکیونکہ درود شریف پڑھنے کا حکم اللہ تعالیٰ نے دیا ہے، یہ ہوئی پہلی محبت ، درود شریف پڑھنے والے نے حضور اقدس ۖ سے محبت کا ایک حق ادا کیا،یہ محبت ایمان کے لئے لازمی ہے، جب تک رسول اللہ ۖ کی محبت ہمیں ہر چیز سے بڑھ کر حاصل نہیں ہوگی، اس وقت تک ہمارا ایمان کامل نہیں ہوسکتا، اعتبار والا ایمان وہی ہے جس میں حضور اقدس ۖ سے محبت … سب سے بڑھ کر ہو… ہمیں حضور اقدسۖ کی ظاہری صحبت حاصل نہیں ہوئی… مگر ہم آپ ۖ کی محبت تو پاسکتے ہیں… یہ محبت ہمیں جس قدر زیادہ نصیب ہوگی اسی قدر ہمارے دل میں… آپۖ کی زیارت، شفاعت، صحبت اور تذکرے کا شوق بڑھے گا… درود شریف میں بندہ اپنی اسی محبت کا اظہار کرتا ہے… تو یہ ہوئی دوسری محبت… ہم نے محبت سے درود شریف پڑھا تو… درود شریف کی خدمت پر مامور ملائکہ نے اسے محبت سے اُٹھایا اور سنبھالا… ان عظیم ملائکہ یعنی فرشتوں کے عجیب ومختلف حالات حدیث شریف کی کتابوں میں آئے ہیں… یہ معزز فرشتے درود شریف کو اُٹھانے، سنبھالنے اور پہنچانے کی خدمت انجام دیتے ہیں!
بہت تیزی اور محبت سے سرانجام دیتے ہیں فرشتوں کو درود شریف سے محبت ہے اس کا ثبوت قرآن مجید میں موجود ہے !
یہ یوئی تیسری محبت
پھر اللہ تعالیٰ نے ایک وسیع طاقت اور سماعت رکھنے والا ایک فرشتہ (ایک روایت میں دو فرشتے) مقرر فرما رکھا ہے… جو درود شریف پڑھنے والے کو… بڑی محبت بھری دعاء دیتا ہے اور کہتا ہے: اللہ تعالیٰ تیری مغفرت فرمائے… فرشتے کی اس دعا پر دیگر فرشتے آمین کہتے ہیں… اور اللہ تعالیٰ اس دعاء کو قبول فرماتا ہے… یہ ہوئی چوتھی محبت… فرشتوں نے یہ درود شریف حضور اقدسۖ تک… درود شریف پڑھنے والے کی ولدیت کے ساتھ پہنچا دیا کہ… یا رسول اللہۖ ! فلاں بن فلاں نے آپ پر صلٰوة وسلام بھیجایے… آپۖ اس صلٰوة وسلام کا محبت کے ساتھ جواب ارشاد فرماتے ہیں… سبحان اللہ! ۖ کا جواب… آپۖ کی ہمارے لئے دعاء رحمت… اور ہمارے لئے سلام… یہ ہوئی پانچویں محبت… اب ان پانچ محبتوں کے بعد… محبت کے مئے خانہ کا اصل دور شروع ہوتا ہے… وہ یہ کہ اللہ تعالیٰ توجہ خاص فرماتا ہے… اور پھر اس بندے پرمحبت اور رحمت کی بارش فرما دیتا ہے… دس خاص رحمتوں کا نزول… دس درجات کی بلندی… دس گناہوں کی معافی… اور معلوم نہیں کیا کیا انعامات… تو زمین سے لے کرعرش تک… کیسا زبردست ”نظام محبت ورحمت” متحرک ہوگیا… اللہ تعالیٰ ہم سب کو اس نظام محبت کے ساتھ منسلک فرمائے(آمین)۔
٭٭٭
