نیویارک (پاکستان نیوز)ایلون مسک نے سوشل میڈیا پلیٹ فارم پر ایک اہم اعلان کرتے ہوئے کہا ہے کہ وہ آنیوالے سال کے دوران امریکہ کے ہر بچے کو اپنی خلائی کمپنی اسپیس ایکس کا ایک شیئر مفت فراہم کریں گے۔ ان کا کہنا تھا کہ یہ اقدام عوامی فلاح و بہبود کے لیے اٹھائے جانے والے متعدد تال میل میں سے پہلا قدم ہوگا۔اس اعلان کے بعد ماہرین کی طرف سے مختلف حسابات سامنے آئے ہیں جن کے مطابق امریکہ میں اٹھارہ سال سے کم عمر بچوں کی تعداد تقریباً 72 ملین بنتی ہے۔ اسپیس ایکس کے فی شیئر موجودہ نرخوں کے حساب سے اس تحفے کی مجموعی مالیت اربوں ڈالر تک پہنچتی ہے۔ تاہم اس بارے میں ابھی تک حتمی طریقہ کار یا باضابطہ ضوابط سامنے نہیں آئے ہیں کہ بچوں کو یہ حصص کس طرح منتقل کیے جائیں گے۔اس سے قبل ایک اور بڑی مصنوعی ذہانت کی کمپنی نے اپنے حصص کا کچھ حصہ فلاحی مقاصد کے لیے مختص کرنے کا اعلان کیا تھا جس کے جواب میں ایلون مسک نے اپنے شیئرز براہ راست عوام میں تقسیم کرنے کا عزم ظاہر کیا۔ تجزیہ کار اس اعلان کو ایک بڑا قدم قرار دے رہے ہیں لیکن یہ دیکھنا باقی ہے کہ اس منصوبے کو عملی جامہ کیسے پہنایا جائے گا اور اس کے کیا اثرات ہوں گے۔
