مرحوم کینسر کے مرض میں مبتلا تھے ، پسماندگان میں ایک بیوی گیارہ بیٹے اور دو بیٹیاں شامل ہیں
نیویارک(پاکستان نیوز)پاکستان پیپلز پارٹی کیلیفورنیا کے ممتاز لیڈراور ذوالفقار علی بھٹو شہید کے قریبی ساتھی ڈاکٹر عبدالقیوم اعوان صاحب رضائے الٰہی سے 2اپریل 2020 کو اسٹاک ٹاون کیلیفورنیا میں انتقال کر گئے۔ مرحوم کے پسماندگان میں ایک بیوی گیارہ بیٹے اور دو بیٹیاں موجود ہیں۔ مرحوم کی اہلیہ نے سید لطیف ڈالمیا کو فون پر بتایا کہ وجہ انتقال کینسر تھی، جنازے میں کثیر تعداد میں لوگ موجود تھے۔ مرحوم کی تدفین3 اپریل2020کولوڈ آئی قبرستان لیلی فورنیا میں کی گئی۔ پی پی پی یو اس اے کی جانب سے جناب خالد اعوان ، سید لطیف ڈالمیا ، میاں بشارت ، ٹی ایچ سلیمی، عبدالوحید خان، اشتیاق بیگ، صلاح الدین غازی ، ظفر چھٹہ، راجہ پرویز اسد، رو¿ف بھلی اور سلمان ظفر نے تعزیت کی اور مرحوم کی ایصال ثواب اور مغفرت کے لئے دعا کی۔
