فرنٹ لائن ورکرز کے لیے تمام چائلڈ کیئر سینٹرز کو کھلا رکھا گیا ہے: نیویارک شہری انتظامیہ
نیویارک (پاکستان نیوز)نیویارک کی شہری انتظامیہ نے کورونا وائرس کے پھیلاﺅ کو روکنے کے لیے تمام ڈے کیئر سینٹر بند کر دیئے ہیں ، صرف بچوں کے ڈے کیئر سینٹرز کو طبی رضا کاروں کے لیے کھلا رکھا گیا ہے ، نیویارک ہیلتھ ڈیپارٹمنٹ کے مطابق شہر کے تمام بڑے ڈے کیئر سینٹرز کو بند کر دیا گیا ہے تاکہ لوگوں کے جمع ہونے سے کورونا وائرس کو پھیلنے کا مزید موقع نہ مل سکے اس کے ساتھ فرنٹ لائن پر کام کرنے والے ہیلتھ ورکرز کے لیے چائلڈ کیئر سینٹرز کو کھلا رکھا گیا ہے ، واضح رہے کہ ماہرین نے کورونا وائرس سے ہونے والی ہلاکتوں کے سلسلے میں آئندہ دو ہفتوںکو انتہائی اہم قرار دیا ہے اور خیال کیا جا رہا ہے کہ اس دوران ہلاکتوں میں اضافہ ممکن ہو سکتا ہے۔
