لندن(پاکستان نیوز) دنیا کی کم عمر ترین نوبل انعام یافتہ پاکستانی طالبہ ملالہ یوسفزئی نے 22 سال کی عمر میں آکسفورڈ یونیورسٹی سے گریجوایشن مکمل کر لی۔ ملالہ نے فلسفہ، سیاست اور معاشیات کے مضامین کیساتھ گریجوایشن مکمل کی۔ کورونا کے باعث یونیورسٹی نے رواں سال گریجوایشن کی تقریب منسوخ کر دی تھی، تاہم یو ٹیوب نے گریجوایشن کرنیوالے ہزاروں طلبہ کی تقریب کو یادگار بنانے کیلئے ورچوئل تقریب کا اہتمام کیا، اسی تقریب کے ذریعے ملالہ نے اپنا خصوصی پیغام جاری کیا اور گریجوایشن کرنیوالے تمام طلبہ سے کہا کہ آپ نے اعلیٰ تعلیم حاصل کر لی اور اب دنیا کو بدلنے کیلئے کردار ادا کریں،ملالہ کی ویڈیو کو یو ٹیوب نے اپنے آفیشل اکاو¿نٹ پر شیئر کیا، دنیا بھرسے اہم شخصیات نے ملالہ کو مبارکباد دی۔
