مظہر رانا اور حنا رانا نے ایان کی تیرہویں سالگرہ افراد خاندان کے ہمراہ گھر پر ہی منائی،ایان نے والدین ودیگر افراد کی تالیوں اور مبارکباد کی گونج میں کیک کاٹا
شکاگو(پاکستان نیوز)پاکستان نیوز شکاگو کے بیورو چیف رانا جاوید کے پوتے اور مظہر رانا کے صاحبزادے ایان رانا کی تیرہوں سالگرہ سوموار22جون کو رانا فیملی کی رہائش گاہ پر نہایت مسرت وشادمانی سے منائی گئی۔سالگرہ کی اس پرمسرت تقریب میں ایان کے دادا، دادی رانا جاوید وبیگم، نانا، نانی شمس الزماں واہلیہ، تایا اظہر رانا، تائی انیقہ رانا بھائیوں، کزنز اور ایان کے دوستوں کے علاوہ رانا جاوید کے قریب ترین دوست، میرا پاکستان ہیریٹیج فیسٹیول کے صدر آصف ملک اپنی صاحبزادیوں کے ہمراہ خصوصی طور پر شریک ہوئے۔ایان نے تمام شرکاءکی تالیوں کی گونج اور مبارکباد کے شور میں سالگرہ کا کیک کاٹا، مظہر وحنا نے اس موقعہ پر شرکاءکی تواضع کے لئے رہائش کے عقبی حصہ میں زبردست بار بی کیو کا اہتمام کیا تھا بارش کی رم جھم میں بار بی کیو اور سالگرہ کے رنگ مزید نکھرے اور مسرت آگیں ہوگئے تھے۔ادارہ پاکستان نیوز ایان کی تیرہویں سالگرہ پر دلی مبارکباد پیش کرتے ہوئے ان کی صحت، کامیابیوں اور طویل عمر نیز رانا خاندان کے لئے خوشیوں اور باہمی محبتوں کے حوالے سے دعاگو ہے۔(آمین)
