شکاگو کے نامور شاعر عابد رشید کی قابل تحسین ادبی خدمات
شکاگو(پاکستان نیوز) سخنور شکاگو کے زیر اہتمام چھٹا عظیم الشان عالمی مشاعرہ کا انعقاد، شکاگو کے نامور شاعر عابد رشید کی قابل تحسین ادبی خدمات، س±خَنور شکاگو اپنی معیاری عالمی مشاعروں کی روایت کو آگے بڑھاتے ہوئے 27 جون بروز ہفتہ ایک اور عظیم الشان مشاعرہ منعقد کر رہی ہے۔ یہ آن لائن مشاعرہ زوم پر منعقد کیا جائے گا۔ سامعین یہ مشاعرہ Facebook اور YouTube پر براہِ راست دیکھ سکیں گے۔ فیس بک پر یہ مشاعرہ Sukhanwar Chicago کے Page پر نشر کیا جائے گا۔ یوٹیوب پر اسے Sukhanwar Chicago کے چینل پر نشر کیا جائے گا۔ چھٹے عالمی مشاعرے میں امریکہ، پاکستان، انڈیا، یورپ اور عرب ممالک سے نمائندہ شعراءشامل ہورہے ہیں۔ مشاعرے میں شامل شعراءکے نام درج ذیل ہیں محشر آفریدی، افضل خان، عرفان ستار، شگفتہ شفیق، فرخندہ شمیم، فاطمہ زہرہ جبین، عظمٰی محمود، حمیرا گل تشنہ، حاجرہ نور زریاب، اطہر عباسی، عطا الحسن، سلیم کاوش، قیوم طاہر، انجنی کمار گوئل، نصرت یاب نصرت، کامران کامی اور ڈاکٹر اسلم قریشی۔ مشاعرہ شکاگو کے وقت کے مطابق دوپہر بارہ بجے ، پاکستان رات دس بجے، انڈیا رات ساڑھے دس بجے، سعودی عرب رات آٹھ بجے، انگلینڈ شام چھ بجے منعقد ہوگا۔ کرونا کے حبس زدہ ماحول میں سخنور شکاگو کے مشاعرے تازہ ہوا کا ایک جھونکا ہیں۔ سخنور شکاگو اور خاص طور پر عابد رشید جو ان مشاعروں کے روحِ رواں ہیں اس لئے بھی قابلِ تحسین ہیں کہ وہ پروفیشنل کےمصروفیات کے باوجود اپنی انتھک محنت سے ان مشاعروں کو نہایت بحسنِ اسلوبی کامیابی سے منعقد کر رہے ہیں۔ جو خواتین و حضرات ان مشاعروں کے بارے میں مزید معلومات چاہتے ہیں وہ درج ذیل ای میل پر رابطہ کر سکتے ہیں۔ Sukhanwarchicago@gmail.com، سخنور شکاگو کا اگلا مشاعرہ 11 جولائی کو منعقد ہوگا جس میں شاہدہ حسن، راجیش ریڈی، اظہر فراغ کے علاوہ تمام دنیا سے نامور شعراءشرکت کریں گے۔
