کراچی:
ڈراموں کی اداکارہ سارہ خان کی شوبز انڈسٹری میں ڈیبیو کی تصاویر سوشل میڈیا پر وائرل ہو گئی ہے۔
نجی چینل پر نشر ہونے والا مقبول ڈرامہ سیریل ثبات میں منفی کردار ادا کرنے کی وجہ سے سارہ خان ان دنوں بہترین اداکارہ کے طور پر پہچانی جا رہی ہیں۔ ایک جانب اُن کی اداکاری کے چرچے زبان زد عام ہیں تو دوسری جانب حال ہی میں اُن کی گلوکار فلک شبیر سے شادی توجہ کا مرکز بنی ہوئی تھی۔
عاجزی اور انکساری کے ساتھ گفتگو کرنے والی سارہ خان کی خاص بات یہ ہے کہ وہ کبھی بھی قابل اعتراض لباس کی وجہ سے تنقید کا شکار نہیں رہیں۔ بلکہ ہمیشہ ہی اپنی مسکراہٹ اور لباس کی وجہ سے اپنی ایک خاص پہچان رکھتی ہیں۔
سارہ خان کی ماضی کی کچھ تصاویر سوشل میڈیا پر وائرل ہو رہی ہی۔ اُن کی یہ تصاویر 2012 میں ریلیز ہونے والا گلوکار سہیل حیدر کے گیت ’آنکھوں میں‘‘ کی ویڈیو کی ہے جس میں سارا خان پہلی بار پردے پر جلوہ گر ہوئی تھیں۔
سارہ خان کی تصویر وائرل ہونے پر سوشل میڈیا صارفین کی جانب سے منفرد ردعمل دیکھنے میں آیا۔ ربیکا سہیل نے کامنٹ میں لکھا کہ سارہ خان کی اب خوبصورت نظر آنے کی وجہ پلاسٹک سرجری اور رنگت گورا کرنے کے انجیکشن ہیں۔
عبید خان نامی صارف نے آغا علی کی سارہ سے علیحدگی کی وجہ اداکارہ کی ماضی کی تصویر کو قرار دیتے ہوئے کہا کہ آغا نے سارہ کی یہ تصویر بعد میں دیکھی ہوگی اس لئے ایک دوسرے سے الگ ہو گئے۔
ثنا ابرش نےطنزیہ انداز میں کامنٹ کرتے ہوئے کہا کہ ہم لوگ سارہ خان کے حسن کو قدرتی حسن سمجھ رہے تھے۔ میں کہتی تھی نہ ہم بد صورت نہیں ہوتے بس ہم غریب ہوتے ہیں۔
