واشنگٹن (پاکستان نیوز ) سابق صدر ڈونلڈ ٹرمپ نے اپنی سیاسی سرگرمیاں دوبارہ شروع کرنے میں دلچسپی کا اظہار کر دیا ہے ، وائن الین روٹ نے سابق صدر سے انٹرویو کے دوران تجویز پیش کی کہ وہ آئندہ سال فلوریڈا سے ہائوس سیٹ کے لیے انتخابات لڑیں اور اس کے بعد ہائوس سپیکر کی سیٹ اپنے نام کریں ، اس طرح ری پبلیکنز 2022 میں اکثریت حاصل کر سکتے ہیں اور پھر 2024 میں ٹرمپ دوبارہ صدارتی انتخابات میں کامیابی حاصل کر سکتے ہیں اس کے جواب میں ٹرمپ نے کہا کہ آپ کی تجویز بہت دلچسپ ہے ، یہ واضح نہیں ہے کہ سابق صدر ٹرمپ حقیقی طور پر ہائوس سیٹ اور پھر اس کے بعد سپیکر کے لیے انتخابات میں حصہ لیں گے ، ابھی صرف میڈیا کی طرف سے ہی تجاویز پیش کی جا رہی ہیں ، ٹرمپ نے اپنے طور پر اس حوالے سے کوئی واضح اعلان نہیں کیا ہے ۔
