سفوک کائونٹی (پاکستان نیوز) کینڈی کی شکل میں منشیات فروخت کرنے پر چار پاکستانیوں کو گرفتار کر لیا گیا ہے ، پولیس کے مطابق ملزمان بے شور، ویسٹ اسلپ سٹورز اور ایلمنٹری سکول کے قریب منشیات کا دھندہ چلا رہے تھے، ملزموں کو عوامی شکایات کے بعد حراست میں لیا گیا ہے، چار پاکستانی نژاد ملزموں کی گرفتاریاں 42ڈیلی، 270 سپر ڈرائیو، بے شور اور 100 سموک شاپ کے قریب سے عمل میں لائی گئی ہیں، پولیس نے منشیات والے مشروم ، کینیڈیز، میری جوانا اور کوکین کو قبضے میں لے لیا۔پولیس کے مطابق گرفتار ہونے والوں میں ویسٹ اسلپ کے 44 سالہ انور، سی فورڈ کے 42 سالہ حسنین انور، ویلی اسٹریم کے 30 سالہ شیون مہابل اور ہیمپسٹیڈ کے 47 سالہ جوزف اورسو شامل ہیں، جن پر مختلف دفعات کے تحت مقدمہ درج کر لیا گیا ہے ، ملزموں کے قبضے سے بھنگ بھی برآمد کی گئی ہے ، پولیس کے مطابق چاروں ملزموں کو تھرڈ پریسنٹ میں رکھا گیا ہے اور جلد سنٹرل سلپ میں فرسٹ ڈسٹرکٹ کورٹ میں پیش کیا جائے گا۔
