کراچی(پاکستان نیوز) روبیکس کیوب ایک ایسا تھری ڈی پزل ہے جسے حل کرنا ہر کسی کے بس کی بات نہیں لیکن کراچی سے تعلق رکھنے والے نوجوان ایان نے صرف 9سکینڈز میں اس کیوب کو حل کرکے پاکستان روبیکز کیوب چیمپئن شپ جیت لیا۔ ایان 15سال کے ہیں اور انہیں کیوبنگ کا بہت شوق ہے۔ انہوں نے بتایا کہ میں2018 سے کیوبنگ کررہا ہوں، اس کو حل کرنے کے مختلف طریقے ہیں جسے سیکھنے کے لئے بہت پریکٹس کرنی پڑتی ہے، مجھے لگتا ہے کیوبنگ کرنے سے میری پرابلم سولونگ سکلز، ذہنی صلاحیت، انگلیوں کی تیز حرکت، مسلسل کنکشن وغیرہ بہتر ہوتا ہے۔ کراچی میں پہلی بار ملکی سطح پر روبیکس کیوب چیمپئن شپ کا انعقاد ہوا جس میں مختلف شہروں سے تقریباً250کیوبنگ کے ماہر بچوں نے حصہ لیا جس میں ایان 13-16 کی کیٹگری میں کامیاب رہے۔
