دبئی(پاکستان نیوز) سری لنکا سے ون ڈے سیریز میںکامیابی حاصل کرنے کے باوجود بنگال ٹائیگرز پاکستان کی چھٹی پوزیشن کیلئے خطرہ نہیں بن پائیں گے۔ بنگلادیشی ٹیم اس وقت89 پوائنٹس کے ساتھ ساتویں درجے پر ہے جبکہ گرین شرٹس کے 97پوائنٹس ہیں۔ آئی لینڈرز کےخلاف2-1 کی فتح سے بنگلہ دیش کے ہاتھ ایک بھی پوائنٹ نہیں آئے گا تاہم اگر وہ سری لنکا کےخلاف وائٹ واش سے دوچار ہوا تو پھر اسے رینکنگ میں ساتویں سے نویں پوزیشن پر جانا پڑے گا۔پہلے ون ڈے کے بعد ریٹائر ہونے والے سری لنکن فاسٹ بالر لاستھ مالنگااس وقت بالنگ رینکنگ میں 35ویں نمبر پر ہیں، ان کی کیریئر بیسٹ رینکنگ7رہی جو انھوں نے نومبر 2011 میں حاصل کی تھی۔ سیریز میں دوسرے کھلاڑیوں کے پاس بھی اپنی رینکنگ بہتر بنانے کا موقع موجود ہوگا۔
