واشنگٹن(پاکستان نیوز) ڈیجیٹل حقوق کی تنظیم ایکسیس نائو اور کیپ اٹ آن کولیشن کی ایک رپورٹ میں کہا گیا ہے کہ بھارت نے 2024 میں 84 مرتبہ انٹرنیٹ بند رکھا جو ایک جمہوری ممالک میں سب سے زیادہ ہے۔ رپورٹ میں کہا کہ بھارت کے غیر قانونی زیر تسلط جموں و کشمیر سب سے زیادہ متاثرہ علاقوں میں سے ایک رہا، جہاں سال بھر میں 12 نٹرنیٹ شٹ ڈائو ن ریکارڈ کیے گئے۔کشمیرمیڈیاسروس کے مطابق حوصلہ مند مجرم، خطرے سے دوچار کمیونٹیز کے عنوان سے رپورٹ میں کہا گیا کہ بھارتی حکام اختلاف رائے کو دبانے اور معلومات کو کنٹرول کرنے کے لیے ڈیجیٹل بلیک آئو ٹ کا استعمال جاری رکھے ہوئے ہیں۔رپورٹ میں کہا گیا کہ بھارت مسلسل چھ سالوں سے انٹرنیٹ بند کرنے کا عالمی ریکارڈ اپنے پاس رکھے ہوئے تھا لیکن میانمار نے 2024 میں 85 مرتبہ انٹر نیٹ بند کیا اور یوں اس نے بھارت کو پیچھے چھوڑ دیا۔ تاہم بھارت 16 ریاستوں اور علاقوں میں شٹ ڈائو ن کے نفاذ کے ساتھ ڈیجیٹل بلیک آئو ٹ مسلط کرنے والا سرکردہ جمہوریت ملک رہا۔ انٹرنیٹ بند ہونے سے نہ صرف مواصلات میں خلل پڑتا ہے بلکہ بنیادی حقوق، معیشت اور ہنگامی خدمات تک رسائی پر بھی نہایت منفی اثر پڑتاہے۔
