واشنگٹن (پاکستان نیوز) صدر ٹرمپ نے 25ممالک پر جوابی ٹیرف عائد کر دیا ہے ، ٹرمپ نے وائٹ ہائوس میں پریس کانفرنس کرتے ہوئے 25 ممالک پر جوابی ٹیرف عائد کرنے کا اعلان کردیا۔ صدر نے پاکستان پر 29 فیصد جوابی ٹیرف لگا دیا۔ صدر نے کہا کہ پاکستان ہم سے 58 فیصد ٹیرف چارج کرتا ہے، پاکستان پر 29 فیصد ٹیرف عائد کریں گے، صدرڈونلڈ ٹرمپ نے بھارت پر 26 فیصد جوابی ٹیرف لگادیا۔ صدر نے کہا کہ امریکا تمام درآمدات پر 10 فیصد ٹیکس عائد کرے گا۔امریکا غیرملکی ساختہ گاڑیوں پر 25 فیصد اضافی ٹیکس عائد کرے گا۔ٹرمپ نے کہا کہ آج کا دن امریکی تاریخ کے اہم دنوں میں سے ایک ہے۔ آج ہماری اقتصادی آزادی کا دن ہے۔وائٹ ہائوس میں پریس کانفرنس کرتے ہوئے انہوں نے کہا کہ اگر کوئی ملک شکایت کرتا ہو، کوئی ملک چاہتا ہو کہ ٹیرف ریٹ صفر کردیا جائے تو پھر اسے اپنی مصنوعات امریکا میں تیار کرنا ہوں گی کیونکہ یہاں کوئی ٹیرف نہیں۔ڈونلڈ ٹرمپ نے کمبوڈیا پر 49، جنوبی افریقا پر 30، انڈونیشیا پر 32، برازیل پر 10، سنگاپور پر 10 فیصد ٹیرف لگادیا۔ صدرڈونلڈ ٹرمپ نے چین پر 34 فیصد، جاپان پر 24 فیصد و یتنام پر 46 فیصد، تائیوان پر 32 فیصد، جنوبی کوریا پر 25 فیصد لگادیا۔
