دبئی(پاکستان نیوز) ٹرمپ کا پہلا ٹاور جلد ہی دبئی میں لانچ کیا جا رہا ہے اور اسٹیٹ ایجنٹ پہلے ہی اسمارٹ فونز پرپیغامات بھیج رہے ہیں اور ممکنہ خریداروں سے کہہ رہے ہیں کہ وہ فنڈز تیار رکھیں۔ خلیجی اخبار کی رپورٹ کے مطابق 2025 کے 3 ماہ اور اس سے زائد عرصے میں دبئی میں ہونے والے تمام سپر لگژری لانچز کے باوجود اس منصوبے کے اجرا کی تیاری پہلے ہی شاندار صورت اختیار کر چکی ہے۔منصوبے کا آغاز جب بھی ہو، اس کی لاگت 2 ارب درہم لگائی گئی ہے جبکہ در گلوبل اس منصوبے کا ڈیولپر ہوگا، رواں سال کی دوسری سہ ماہی میں منصوبے کی دستخطی تقریب منعقد ہوگی، اس منصوبے کا محل وقوع شیخ زید روڈ سے کہیں دور اور وسیع ڈان ٹان کے علاقے میں ہوگا۔ایک اسٹیٹ ایجنٹ کا کہنا تھا کہ اس طرح 2025 کے پہلے 6 ماہ میں دو تاریخی فلک بوس عمارتیں لانچ کی جائیں گی جن میں برج عزیزی اور ٹرمپ انٹرنیشنل ٹاور شامل ہیں۔ٹرمپ کے محصولات کے ساتھ عالمی منڈیوں کی جو بھی حالت ہو، ٹرمپ ٹاور نے پہلے ہی دبئی میں مزید دستخطی منصوبوں کے لیے بہت زیادہ توقعات پیدا کردی ہیں۔برج عزیزی میں ایک پینٹ ہاس 71 ملین درہم میں فروخت ہوا، جو اب تک کا سب سے مہنگا پنٹ ہاس ہے۔حال ہی میں جدہ میں 47 منزلہ ٹرمپ ٹاور کا افتتاح کیا گیا تھا جس کی تکمیل 2029 میں ہوگی، اس عمارت میں یونٹ کی قیمتیں 1.7 ملین ریال سے شروع ہوتی ہیں۔
